کراچی: وزیراعظم آج ’’فوڈ اینڈ ایگری‘‘ نمائش کا افتتاح کرینگے

کراچی (اسٹاف رپورٹر) وزیراعظم شہباز شریف کراچی ایکسپو سینٹر میں آج سے شروع ہونے والی 3 روزہ ’’فوڈ اینڈ ایگری‘‘ نمائش کا افتتاح کریں گے جبکہ رواں سال کے اختتام تک پاکستان کی تاریخ میں پہلی بار زرعی اور فوڈ پروڈکٹس کی ایکسپورٹ 10 ارب ڈالر کی سطح عبور ہونے کا قوی امکان ہے، دوسری جانب یورپی یونین نے 65 پاکستانی گروورز کو ایکسپورٹ سیکٹر میں لانے کیلیے اپنے خصوصی فنڈز سے اسٹال قائم کیے ہیں اور ان تمام اسٹالز پر یورپی یونین کا ٹیگ لگا ہوگا۔ تفصیلات کے مطابق نمائش میں شرکت کیلیے دنیا بھر سے826 وزیٹرز اور پاکستانی زرعی اور فوڈز مصنوعات کے خریدار کراچی پہنچ چکے ہیں۔ نمائش کے حصے سے ٹریڈ ڈیولپمنٹ اتھارٹی پاکستان کے چیف ایگزیکٹو آفیسر زبیر موتی والا نے میڈیا سے گفتگو میں بتایا کہ زرعی اور
فوڈ نمائش میں پہلی بار 75 ممالک سے تقریبا 950 خریدار شریک ہورہے ہیں اور 350 پاکستانی ایگزیبیٹرز بھی اپنے اسٹالز لگائیں گے۔ نمائش میں غیر ملکی خریداروں کے ساتھ بی ٹو بی اور جی ٹو جی میٹنگز ہوں گی جبکہ چائنا کے ساتھ ایک اہم کانفرنس کا بھی انعقاد ہوگا، چین سے تقریبا 200 افراد کا سب بڑا وفد پاکستان پہنچ گیا ہے۔