لاڑکانہ (نمائندہ جسارت) پولیس مقابلہ، ڈاکو زخمی حالت میں گرفتار، اسلحہ برآمد، جیکب آباد لاڑکانہ سرحدی علاقے تھانہ وارث ڈنو ماچھی کی حدود منگت شاخ کے مقام پر ڈاکوؤں اور پولیس کے درمیان فائرنگ کا تبادلہ، دو طرفہ فائرنگ کے نتیجے میں ایک ڈاکو زخمی حالت میں اسلحہ سمیت گرفتار، زخمی ڈاکو کی شناخت زبیر ولد مورزادو رہائشی محمد پور اوڈھو ضلع جیکب آباد کے طور پر ہوئی۔ مذکورہ ڈاکو سنگین نوعیت کے مقدمات، سنگین جرائم میں ملوث ہے، ڈاکو کا مزید کرمنل ریکارڈ چیک کیا جا رہا ہے۔
