سانگھڑ (نمائندہ جسارت) جرائم پیشہ افراد کے خلاف کریک ڈائون، پولیس مقابلوں میں 2 ڈاکو زخمی حالت میں گرفتار۔ تفصیلات کے مطابق مختلف سنگین نوعیت کے مقدمات میں ملوث ملزم زخمی حالت میں گرفتار، گرفتار ملزم قتل، رہزنی اور پولیس مقابلوں جیسے سنگین مقدمات میں مطلوب تھا۔ تفصیلات کے مطابق جھول تھانے کی حد میں پولیس پر فائرنگ کرکے فرار ہونے والے ملزمان کی گرفتاری کے لیے ضلع بھر میں الرٹ جاری کر دیا گیا تھا۔ اس سلسلے میں چوٹیاریوں تھانے کی پولیس نے ایس آئی پی سلطان احمد کیریو کی قیادت میں ملہار وسان رستی لٹکو موری کے نزدیک ناکہ بندی کی ہوئی تھی کہ موٹرسائیکل پر 2 مشکوک ملزمان آتا دیکھ کر روکنے کی کوشش کی جس پر ملزمان نے پولیس پر سیدھی فائرنگ کر دی۔ کراس فائر کے نتیجے میں ایک ملزم جس کی شناخت نواز علی عرف ٹومل بگٹی کے نام سے ہوئی ہے زخمی حالت میں گرفتار کر لیا گیا ہے، جبکہ اس کا ایک ساتھی موقع سے فرار ہونے میں کامیاب ہو گیا، زخمی ملزم کو طبی امداد کے لیے سول اسپتال روانہ کر دیا گیا ہے، گرفتار ملزم کے قبضے سے ایک ٹی ٹی پسٹل، موبائل اور موٹر سائیکل برآمد ہوئی ہے۔
