سڈنی ( اسپورٹس ڈیسک )پاکستان کے ناصر اقبال آسٹریلیا میں جاری بیگا اوپن اسکواش کے سیمی فائنل میں پہنچ گئے۔ ناصر اقبال نیکوارٹر فائنل میں جاپان کے ٹومو اینڈو کو 0-3 سے شکست دی جب کہ جاپانی پلیئر کے خلاف ناصر کی کامیابی کا اسکور 4-11، 7-11 اور 7-11 رہا۔ ناصر اقبال سیمی فائنل میں سوئٹرزلینڈ کے رابن گڈولا سے مقابلہ کریں گے۔ اس سے قبل دوسرے راؤنڈ میں ناصر اقبال نے فرانس کے میلول سیانی مینکو کو شکست دی تھی۔ آسٹریلیا میں جاری بیگا اوپن اسکواش کی مجموعی انعامی رقم 12 ہزار ڈالرز ہے جو کہ تقریباً 33 لاکھ پاکستانی روپے بنتی ہے۔
