سکھر،ارقم پبلک اسکول میں سمرکیمپ

سکھر (نمائندہ جسارت) ارقم آئی ٹی ٹریننگ انسٹیٹیوٹ سکھر کی جانب سے ارقم پبلک ہائی اسکول سکھر میںموسم گرما کے دوران سمر کیمپ ہوا، جہاں انٹر نیٹ، کمپیوٹر کے مثبت تعمیری استعمال سمیت انفارمیشن ٹیکنالوجی کے حوالے سے تربیت دی گئی اور مختلف پہلوئوںکو اجاگر کیا گیا۔ اختتامی تقریب میں ارقم اسکول کے پرنسپل محمداشرف خان نے سرٹیفکیٹس تقسیم کیے۔اس موقع پر شرکا نے کیمپ کے انعقاد کو سراہا اور تعریف کی۔
سکھرسینٹرل جیل کا قیدی چل بسا
سکھر (نمائندہ جسارت) سکھر سینٹرل جیل کا ایک اور موت کا سزا یافتہ قیدی روشن علی علالت کے باعث سول اسپتال میں دم توڑ گیا، جس کا تعلق لاڑکانہ سے تھا۔
سکھر،پولیس مقابلہ ،ایک ڈاکو گرفتار
سکھر (نمائندہ جسارت) سکھر پولیس مقابلہ ، تھانہ تماچانی کے حدود باگھڑجی لنک روڈ کے قریب میں پولیس اور ڈاکوؤں کے درمیان مقابلہ، ایک ڈاکو زخمی حالت میں گرفتار اسلحہ برآمد، ساتھی فرار،زخمی ڈاکو اسنیچنگ چوری ڈکیتی پولیس مقابلوں سمیت متعدد سنگین وارداتوں کے مقدمات میں مطلوب تھا، گرفتار زخمی ڈاکو کی شناخت شہیب جتوئی کے نام سے ہوئی، زخمی ڈاکو کے قبضے سے ٹی ٹی پستول اور گولیاں برآمد۔، زخمی ڈاکو کے مزید کرمنل ریکارڈ کی معلومات تھانوں اور مختلف اضلاع سے حاصل کی جا رہی ہے ۔