پیرس اولمپکس ٹینس ایونٹ، آئیگا نتالیہ ویمنز سنگلز کوارٹر فائنل میں پہنچ گئیں

پیرس (آئی این پی) پولینڈ کی شہرہ آفاق ٹینس سٹار اور ایونٹ کے ٹاپ سیڈڈ آئیگا نتالیہ سوئیٹک پیرس اولمپکس میں ٹینس ایونٹ میں خواتین کے سنگلز مقابلوں کے کوارٹر فائنل رائونڈ میں پہنچ گئیں، امریکی ٹینس سٹار اور سیکنڈ سیڈڈ کوکو گف کا پری کوارٹر فائنل میں سفر تمام ہوگیا۔ ویمنز سنگلز مقابلوں کے پری کوارٹر فائنل رائونڈ میں 23سالہ پولینڈ کی ٹینس کھلاڑی آئیگا نتالیہ سوئیٹک نے انتہائی شاندار کارکردگی کا مظاہرہ کرتے ہوئے چین کی حریف کھلاڑی وانگ ژیو کو سٹریٹ سیٹس میں 3-6اور 4-6 سے شکست دے کر کوارٹر فائنل کے لئے کوالیفائی کیا ۔ایک اور میچ میں کروشیا کی ڈونا ویکک نے عمدہ کھیل پیش کرتے ہوے امریکا کی ٹینس کھلاڑی اور اولمپک میں ویمنز ٹینس کی سیکنڈ سیڈڈ کوکوگف کو ٹائی بریک پر سٹریٹ سیٹس میں 6-7(7-9)اور 2-6سے ہرا کر کوارٹر فائنل رائونڈ کے لیے کوالیفائی کرلیا۔