کراچی ( بزنس رپورٹر ) یونائیٹڈ بینک لمیٹڈ نے 30 جون 2024 کو ختم ہونے والی سہ ماہی کے دوران 15.27 ارب روپے کی مجموعی آمدنی حاصل کی جو گزشتہ سال کے اسی عرصے میں 13.05 ارب روپے کے بعد از ٹیکس منافع کے مقابلے میں تقریبا 17 فیصد زیادہ ہے۔پاکستان اسٹاک ایکسچینج کو بھیجے گئے نوٹس کے مطابق مالی سال 2024 کی دوسری سہ ماہی میں فی حصص آمدنی 12.10 روپے رہی جو مالی سال 2023 کی دوسری سہ ماہی میں 10.39 روپے تھی۔بورڈ آف ڈائریکٹرز نے 30 جون 2024 کو ختم ہونے والی ششماہی کے لیے 11 روپے فی حصص یعنی 110 فیصد پر عبوری نقد منافع کا بھی اعلان کیا۔ یہ 11 روپے فی حصص یعنی 110 فیصد پر پہلے سے ادا کیے جانے والے عبوری منافع کے علاوہ ہے۔
