ٹیم پاکستان کا دورہ کرسکتی ہے، بھارتی کرکٹ بورڈ

نئی دہلی (آئی این پی) بھارتی کرکٹ بورڈ کے نائب صدر راجیو شکلا نے ایک بار پھر اشارہ دیا ہے کہ آئی سی سی چیمپئینز ٹرافی 2025 کے لیے بھارتی ٹیم پاکستان کا دورہ کرسکتی ہے۔ اتر پردیش پریمیئر لیگ کے شرکا سے خطاب کرتے ہوئے بھارتی بورڈ کے صدر راجیو شکلا نے کہا ہے کہ ممکنہ طور پر بھارتی ٹیم حکومتی اجازت ملنے کے بعد آئی سی سی چیمپئینز ٹرافی 2025 کے لیے پاکستان کا دورہ کرسکتی ہے، سال 2026ون ڈے ورلڈکپ (جس کے میزبان بھارت اور سری لنکا) کے لیے پاکستان اپنا فیصلہ کرنے کے لیے آزاد ہے۔ انہوں نے کہا پاکستان ون ڈے ورلڈکپ 2026کے حوالے سے جو چاہے کہے لیکن چیمپئینز ٹرافی 2025میں شرکت کے لیے ہمیں حکومتی منظوری درکار ہے۔ راجیو شکلا نے تسلیم کیا کہ اگر بھارت آئندہ ٹورنامنٹ کے لیے پاکستان کا سفر نہیں کرتا تو قوی امکان ہے پاکستان کرکٹ بورڈ (پی سی بی) جوابی ردعمل دے گا۔