اسلام آباد (آن لائن) وزیراعظم شہباز شریف آج (منگل کو) 2 روزہ دورہ پر ایران روانہ ہوں گے۔ وزیراعظم نو منتخب ایرانی صدر ڈاکٹر مسعود پزشکیان کی تقریب حلف برداری میں شریک ہوں گے۔ وزیراعظم کو تقریب میں شرکت کی دعوت ایرانی حکومت نے دی ہے۔ شہباز شریف نومنتخب ایرانی صدر مسعود پزشکیان سے ملاقات بھی کریں گے۔ ذرائع کے مطابق وزیراعظم کی عالمی رہنماؤں سے ملاقات متوقع ہے، نائب وزیراعظم اسحاق ڈار، وفاقی وزیر اطلاعات عطا تارڑ بھی وزیر اعظم کے ہمراہ ہوں گے۔
