کالعدم تحریک طالبان پاکستان کے سربراہ نور ولی محسود اور احمد حسین عرف غٹ حاجی کی خفیہ فون کال کے خلاف قانونی کارروائی کا آغاز کردیا گیا ہے۔
ذرائع کے مطابق کالعدم تحریک طالبان پاکستان (ٹی ٹی پی) کے سرغنہ نور ولی محسود اور احمد حسین عرف غٹ حاجی کی حالیہ خفیہ کال لیک پر قانونی کارروائی کا آغاز کرتے ہوئے کال کا فارنزک ٹیسٹ کروالیا ہے۔
سکیورٹی ذرائع کا کہنا ہے کہ دہشتگردی میں ملوث دہشتگردوں کو کسی صورت معاف نہیں کیا جائے گا ، خفیہ کال کا فرانزک کروانے کے بعد دہشت گرد کے خلاف سخت قانونی چارہ جوئی کا فیصلہ کیا گیا ہے۔
ذرائع کے مطابق فارنزک کے مطابق فون کال میں آواز نور ولی محسود، احمد حسین عرف غٹ حاجی کی ہے، کال میں نور ولی محسود ، احمد حسین عرف غٹ حاجی کو سرکاری املاک اور اسکولوں پر حملوں کی ہدایات دے رہا تھا۔
ذرائع کا کہنا ہے کہ نور ولی محسود کی ہدایت پر عمل درآمد کرتے ہوئے شمالی وزیرستان کے علاقے میر علی میں گرلز اسکول کو آئی ای ڈی لگا کر اڑا دیا گیا تھا جب کہ ٹانک سے تعلق رکھنے والے ٹیچرمیرا جان کی بھی ٹارگٹ کلنگ کی گئی تھی۔