ٹھٹھہ (نمائندہ جسارت) گزشتہ روز خشک برادری کے 2 گروپوں میں معمولی تکرار پر تصادم ہو گیا تھا، فائرنگ کے نتیجے میں ایک نوجوان گلباز خشک جاں بحق جبکہ 3 نوجوان زخمی ہوئے تھے جنہیں تشویشناک حالت میں کراچی آغا خان اسپتال منتقل کیا گیا جہاں ایک دوسرا نوجوان فدا خشک زخموں کے تاب نہ لاتے ہوئے جاں بحق ہو گیا، فدا کی لاش کراچی سے مکلی سول اسپتال لائی گئی تو ہزاروں افراد مکلی سول اسپتال پہنچ گئے اور پولیس کی بھاری نفری بھی تعینات کردی گئی، فدا خشک کا جنازہ حنیف خشک گوٹھ سے اُٹھایا گیا اور تدفین مکلی قبرستان میں کی گئی۔
