کراچی (اسٹاف رپورٹر ) چیئرمین گلشن اقبال ٹاؤن ڈاکٹر فواد احمد کی گلشن اقبال ٹاؤن میں شجرکاری مہم کو بہتر انداز میں شروع کرنے کے حوالے سے جامعہ کراچی میں ماہرین سے ملاقات۔چیئرمین ڈاکٹر فواد کے ہمراہ دعا فاؤنڈیشن کے جنرل سیکرٹری ڈاکٹر فیاض عالم، چیئرمین پارکس کمیٹی گلشن ٹاؤن اصف عبدالکریم اور کوآرڈینیٹر عبدالسلام صدیقی بھی موجود تھے.فوڈ سائنس ڈیپارٹمنٹ کے چیئرمین ڈاکٹر عبدالحق ایگریکلچر ڈیپارٹمنٹ کے چیئرمین ڈاکٹر فہیم احمد شعبہ باٹنی کے ڈاکٹر وقار اور شعبہ فوڈ سائنس کے اسٹوڈنٹ ایڈوائزر ڈاکٹر غفران سعید سے شجرکاری مہم کے حوالے سے تبادلہ خیال کیا ماہرین نے مفید مشورے پیش کیے بعد ازاں شعبہ جات کے ذمہ داران نے جامعہ کراچی کے بلدیاتی مسائل کی نشاندہی کی جس پر ٹاؤن چیئرمین نے اپنے ہر ممکن تعاون کی یقین دہانی کرائی۔
