لاڑکانہ (نمائندہ جسارت) شہید بینظیر بھٹو میڈیکل یونیورسٹی کے طلبہ نے بنیادی سہولیات نا ملنے پر یونیورسٹی کی مین گیٹ کے سامنے دھرنا دیا، جہاں پر انہوں نے مطالبات کے حق میں نعرے لگائے۔ اس موقع پر طلباء امیر چانڈیو، مسرور تونیو، زبیر جمالی نبی سوہو، سعید لنجار اور دیگر نے کہا کہ یونیورسٹی میں بنیادی سہولیات کا فقدان ہے جس کے سبب دھرنا دینے پر مجبور ہوئے ہیں۔ انہوں نے مطالبہ کیا کہ فیل ہونے والے طلباء سے سپر سپلی لی جائے، ہاسٹلز میں گیس کی سپلائی فراہم کرکے میزون چلائی جائیں۔ انہوں نے کہا کہ فائنل ائر کے طلباء کو آل پاکستان کا ٹوئر بھی کروایا جائے اور اکیڈمی گلیڈر بحال کرکے طلباء کی بے چینی دور کی جائے۔
