کراچی (اسپورٹس رپورٹر)سابق انٹرنیشنل کرکٹر اور جنرل منیجر اکیڈمیز ڈاکٹر عمران عباس آج سے مالدیپ میں ہونے والے 4 روزہ آئی سی سی لیول 2 ٹیوٹرز ٹریننگ کورس میں شرکت کریں گے۔ یہ کورس آئی سی سی کے تربیتی اور تعلیمی پروگرام کا حصہ ہے تاکہ اپنے اراکین کو معیاری لیول 2 کے ٹیوٹرز سے آراستہ کیا جا سکے جس کے بعد وہ معیاری کوچز کو تربیت دے سکیں گے ۔ کورس کی نگرانی پاکستان کے سابق انٹرنیشنل کرکٹر اقبال سکندر اور بنگلا دیش کے سابق ٹیسٹ کپتان امین الاسلام کریں گے ، دونوں کو یہ ذمہ داری آئی سی سی نے سونپی ہے۔ آئی سی سی 29 اور 30جولائی کو مالدیپ میں 2 روزہ ہائی پرفارمنس ورکشاپ کا انعقاد کرے گا۔ ورکشاپ میں سابق ٹیسٹ کرکٹر وہاب ریاض اور موجودہ ہیڈ کوچ نیشنل کرکٹ اکیڈمی شاہد انور شرکت کریں گے۔ورکشاپ کو جدید ترین کوچنگ تکنیک کے ساتھ ساتھ نچلی سطح سے ٹیلنٹ کی شناخت اور نشوونما کے بارے میں معلومات فراہم کرنے کے لیے ڈیزائن کیا گیا ہے۔
