کراچی (اسٹاف رپورٹر)پاکستان مرکزی مسلم لیگ کراچی کے تحت مفت فراہمی آب پروجیکٹ کا افتتاح اور فری میڈیکل کیمپس کا انعقاد کیا گیا۔ لانڈھی ٹاؤن کے علاقے شریف کالونی میں سندھ کے صدرفیصل ندیم نے فری واٹر پروجیکٹ کاافتتاح کیا جس سے سینکڑوں گھرانے مستفید ہونگے۔افتتاحی تقریب کے موقع پر معززین علاقہ اور شہریوں کے بڑی تعداد موجود تھے۔اہلیان علاقہ نے شکریہ کے بینرز آویزاں کرکے مرکزی مسلم لیگ کی عوامی خدمات کو سراہا۔دوسری جانب گلشن اقبال ٹان میں فری میڈیکل کیمپ کا انعقاد کیاگیا۔جس میں سینکڑوں مریضوں کا فری چیک اپ اور مفت ادویات فراہم کی گئیں۔
