محکمہ محنت کے ذیلی ادارے سندھ ایمپلائز سوشل سیکورٹی انسٹی ٹیوشن میں کمشنر سیسی میانداد راہجو اور وائس کمشنر سیسی سکندر بلوچ کی تعیناتی کے بعد سیسی آفیسرز ویلفیئر ایسوسی ایشن کے صدر ندرت بلند اقبال اور جنرل سیکرٹری وسیم جمال نے ملاقات کی اور انہیں ادارے میں خوش آمدید کہا اور امید ظاہر کی کہ ان کی تعیناتی کے دوران سندھ سوشل سیکورٹی نا صرف اپنی کھوئی ہوئی ساکھ بحال کرے گا بلکہ تحفظ یافتہ محنت کشوں کو بہتر سے بہتر سہولیات حاصل ہوسکیں گے۔ اس موقع پر کمشنر سیسی میانداد راہجو نے کہا کہ ان کی ہر ممکن کوشش ہوگی کہ غیر رجسٹرڈ محنت کشوں کو سماجی تحفظ کی اسکیم میں زیادہ سے زیادہ رجسٹرڈ کیا جاسکے اور میڈیکل سائیڈ پر خدمات کی سہولیات کو مزید بہتر بنایا جاسکے، ادارے کے انتظامی ڈھانچہ کو موجودہ دور کے جدید تقاضوں کے مطابق ڈھالا جائے تاکہ تحفظ یافتہ محنت کشوں اور ان اہل خانہ کو آسانی کے ساتھ علاج معالجہ کی بہتر سہولیات حاصل ہوسکیں۔