کوئٹہ (نمائندہ جسارت) بلوچستان کے شہر لورالائی میں مسلح افراد کا گداگر خواتین پر فا ئرنگ کے نتیجے میں ایک خاتون جاں بحق جبکہ 2 زخمی ہو گئی ہیں۔ اطلاعات کے مطابق گزشتہ روز لو را لا ئی میں تحصیل روڈ پر نورانی مسجد کے قریب گلی میں مسلح افراد نے گدا گرخواتین پر فائرنگ اندھا دھند فا ئرنگ کر دی جس کے نتیجے میں ایک خاتون مسماۃلیلیٰ زوجہ زبیر خان موقع پر جاںبحق جبکہ 2خواتین مسماۃ مہاتمہ بی بی زوجہ طارق اور گلنار زوجہ محمد انور ساکن مہاجر اڈا زخمی ہو گئیں، مقتولہ اور زخمی خواتین کو فو ری ٹیچنگ اسپتال لورالائی پہنچایا گیا، جہاں جاں بحق خاتون کی لاش ورثا کے حوالے کر دی گئی، جبکہ زخمی خواتین کا علا ج و معالجہ جا ری ہے۔
