کراچی (رپورٹ:منیر عقیل انصاری) روزنامہ جسارت کراچی کی جانب سے پر تکلف دعوت حلیم کا اہتمام کیا گیا۔دعوت حلیم میں آنے والے معزز مہمانوں کو جسارت کے چیف آپریٹنگ آفیسر(سی او او) سید طاہر اکبر نے خوش آمدید کیا۔ دعوت حلیم جسارت کے مرکزی دفتر آزاد ٹریڈ سینٹر گلشن اقبال کراچی میں پیر کی شب منعقد ہوئی ۔ روزنامہ جسارت کراچی کی جا نب سے منعقدہ دعوت حلیم میں صحا فیوں،سیاسی و مذہبی جماعتوں کے رہنماؤں، تاجربرادری ، علم و ادب سمیت دیگر شعبہ ہائے زندگی سے تعلق رکھنے والی معروف شخصیات نے شرکت کی ہے،جس میںمرکزی نائب امیر جماعت اسلامی پاکستان وسابق رکن قومی اسمبلی مولانا ڈاکٹر عطاء الرحمن،جماعت اسلامی کراچی کے جنرل سیکرٹری توفیق الدین صدیقی،جماعت اسلامی کراچی الیکشن سیل کے انچارج راجہ عارف سلطان ایڈووکیٹ ، ڈائریکٹر جنرل محکمہ اطلاعات سندھ محمد سلیم خان، سوئی سدرن گیس کمپنی کے ہیڈ آف کارپوریٹ کمیونیکیشنز سلمان احمد صدیقی، معروف قانون داں عثمان فاروق ایڈوکیٹ،کراچی پریس کلب کے سیکرٹری شعیب احمد،خازنچی احتشام سعید قریشی (پاشا) ،کراچی یونین آف جرنلسٹس دستور کے صدر حامد الرحمن اعوان،سینئر صحافی حنیف اکبر،روزنامہ جسارت کے چیف ایڈ یٹر شاہنواز فاروقی ،فرائیڈے اسپیشل کے مدیر یحییٰ بن زکریا صدیقی،چیف آپریٹنگ آفیسر(سی او او) سید طاہر اکبر،ایڈیٹر مظفر اعجاز، روزنامہ جسارت کے چیف رپورٹر قاضی جاوید باسط،جماعت اسلامی کراچی کے سیکرٹری اطلاعات سید زاہد عسکری،آل پاکستان آرگنائزیشن آف اسمال ٹریڈرز اینڈ کاٹیج انڈسٹریز کراچی کے صدر محمود حامد ،ایسوسی ایشن آف بلڈرز اینڈ ڈیولپرز(آباد) کے چیئرمین آصف سم سم،گلشن ٹاؤن کے سابق ناظم و سابق نائب امیر جماعت اسلامی کراچی عبد الوہاب سمیت دیگر معززین نے شرکت کی‘ جبکہ اس موقع پر روزنامہ جسارت کراچی کے ملازمین بھی کی بڑی تعداد موجود تھی۔دعوت حلیم میں آنے والے معزز مہمانوں کو جسارت کے نئے دفتر کا دورہ کرایا گیا اور کام کرنے والے ملازمین سے تبادلہ خیال کیا گیا،اس موقع پر معززین نے گفتگو کرتے ہوئے کہا کہ جسارت کا نیا دفتر دیگر میڈیاہاوسیز کے لیے مثال ہے، جسارت کا نیا دفتر دیکھ کر ہمیں خوشی محسو س ہو رہی ہے ۔نئے دفتر میں جسارت کی انتظامیہ نے جدید سہولیات سے آراستہ اسٹیٹ آف دی آرٹ جسارت کا دفتر قائم کیا ہے، جس میں ملازمین کی سہولت کے لیے ایئر کنڈیشن کمرے،جدید کمپیوٹرکا نظام ،وائی فائی،آسان پارکنگ کی سہولت،کانفرس ہال،ٹیبل ٹینس کورٹ ، یونیورسٹیز سے فارغ ہوکر نئے آنے والے ماس کمیونیکشن کے طلباء کے لیے ڈیجیٹل روم، جائے نماز کی جگہ اور دیگر سہولیات سے آراستہ کرکے جسارت کا دفتر شاندارانداز میں ترتیب دیا ہے ۔ بعدازںدعوت حلیم کے اختتام پر روزنامہ جسارت کراچی کے چیف ایڈ یٹر شاہنواز فاروقی نے آنے والے معزز مہمانوں کا شکریہ ادا کیا۔
