سکھر (نمائندہ جسارت) پولیس مقابلے، 6 ڈاکو زخمی حالت میں گرفتار کر لیے گئے، ترجمان پولیس کے مطابق تھانہ بی سیکشن پولیس نے دوران ناکہ بندی کاروائی کر کے ملزم محمد عمر میرانی کو گرفتار کر لیا، تھانہ پنوعاقل کی حدود مصطفی کالونی کے قریب پولیس مقابلے میں ملزم عمر مہر کو گرفتار کر لیا گیا، تھانہ سائٹ کی حدود رنگ روڈ کے قریب پولیس اور ڈاکوؤں کے درمیان مقابلے میں ایک ڈاکو ہمراز میرانی زخمی حالت میں اسلحہ سمیت گرفتار کر لیا گیا، تھانہ کینٹ کی حدود ڈنڈی لنک روڈ کے قریب پولیس اور ڈاکوؤں کے درمیان دوسرے مقابلے میں ایک ڈاکو سعید لکھن زخمی حالت میں اسلحہ سمیت گرفتار کر لیا گیا، تھانہ روہڑی کی حدود جاڑے ماہ روڈ کے قریب پولیس اور ڈاکوئوں کے درمیان مقابلے میں ڈاکو سہراب عرف منیر تنیو زخمی حالت میں گرفتار کر لیا گیا، تھانہ کندھرا کی حدود چونڈکو لنک روڈ کے قریب پولیس اور ڈاکوئوں کے درمیان مقابلے میں ڈاکو ظیئر عرف منٹھار زخمی حالت میں اسلحہ سمیت گرفتار کرلیا گیا، گرفتار ڈاکوؤں کے قبضے سے پستول میگزین اور گولیاں برآمد کر لی گئیں، ڈاکو اسنیچنگ، چوری، ڈکیتی پولیس مقابلوں سمیت متعدد سنگین وارداتوں کے مقدمات میں مطلوب تھے۔
