لاڑکانہ (نمائندہ جسارت) رتو ڈیرو کے قریب گائوں فضل جلبانی میں مسلح افراد نے گھر میں گھس کر امیر علی جلبانی کو منہ پر گولی مار کر شدید زخمی کر دیا اور فرار ہو گئے، جنہیں لاڑکانہ اسپتال ٹراما سینٹر منتقل کیا گیا۔ زخمی کے رشتہ دار عارف جلبانی نے بتایا کہ عامر علی ڈرائیور ہے، واحد جلبانی اور سعید جلبانی گھر میں گھس کر چہرے پر گولی مار کر شدید زخمی کر کے فرار ہو گئے، پولیس کا کہنا ہے کہ واقعہ دشمنی کی بناء پر پیش آیا ہے۔
