جیکب آباد (نامہ نگار) جیکب آباد میں بدامنی عروج پر ، لاش پہنچاکر جانے والے ایمبولینس کے ڈرائیور کو بھی لوٹ لیا،شہری موٹر سائیکل سے محروم،ا کیڈمی میں چوری کی واردات۔ تفصیلات کے مطابق جیکب آباد میں بدامنی عروج پر پہنچ گئی ہے ڈکیتی اور چوری کی وارداتیں معمول بن چکی ہیں، جیکب آباد کے سٹی تھا نہ کی حدود شا ہ غازی محلہ میںگھر کے باہر کھڑی دلیپ کمار کی سی ڈی موٹر سائیکل ماڈل 2023چوری کرکے فرار ہو گئے ،غریب آباد محلہ میں جینئس اکیڈمی سے لیب ٹاپ اور دیگر سامان چور لے اڑے جبکہ شاہ غازی محلہ سے ہی گھر کے باہر کھڑے سونو نارا سے مسلح افراد موبائل فون اور پچاس ہزار نقدی چھین کر فرار ہو گئے جیکب آباد کے قریب آباد تھانہ کی حدود سرکاری واہ کے مقام پرنامعلوم مسلح افراد نے لاش پہنچا کر واپس کراچی جانے والی ایمبولینس کو روک کر ڈرائیور اعجاز پٹھان سے 45 ہزار روپے لوٹ کر فرار ہوگئے، علاوہ ازیں مویشی منڈی کے قریب نامعلوم چور شیر زمان بروہی کی مہران گاڑی چوری کرکے لے گئے، جیکب آباد میں بڑھتی ہوئی بدامنی پر شہریوں میں تشویش پائی جاتی ہے شہریوں نے امن و امان کو بحال کرنے کا مطالبہ کیا ہے۔
