پشاور(صباح نیوز)پشاور کے باچا خان ایئر پورٹ پر تمام پروازیں بحال کر دی گئیں۔گزشتہ روز باچا خان انٹرنیشنل ایئر پورٹ پر لینڈنگ کے وقت طیارے کے ٹائر کو آگ لگنے کا واقعہ پیش آیا تھا جس پر قابو پا کر مسافروں کو بحفاظت نکال دیا گیا تھا تاہم رن وے کو بند کر دیا گیا تھا جسے اب بحال کردیا گیا ۔ایئرپورٹ حکام کے مطابق پی آئی اے سمیت دیگر پروازیں اپنی معمول کے مطابق ہوگی اور دبئی، شارجہ، کراچی کیلیے فلائٹس اپنی مقررہ وقت پر روانہ ہوں گی۔
