پشاور(صباح نیوز)خیبر پختونخوا کے دارالحکومت پشاور کے ایئرپورٹ پر سعودی ایئرلائن کے طیارے میں آگ لگ گئی،کوئی جانی نقصان نہیں ہوا ۔ ایوی ایشن ذرائع نے بتایا کہ ریاض سے آنے والے غیر ملکی طیارے میں آگ لینڈنگ کے دوران لگی۔ غیر ملکی طیارے میں لگنے والی آگ پر قابو پالیا گیا، آگ جہاز کے ٹائر میں لگی تھی، واقعہ میں کوئی جانی نقصان نہیں ہوا، اب حالات معمول پر ہیں۔ہ تمام فلائٹس شیڈول کے مطابق ہیں اور فلائٹ آپریشن بحال ہے۔
