کوئٹہ(نمائندہ جسارت) بلو چستان کے ضلع دکی میں پک اپ گاڑی با رودی سرنگ کی زد میں آکر دھماکے سے تباہ ہو گئی ،ڈرائیور محفوظ رہا۔ پو لیس کے مطابق واقعہ گزشتہ روزدکی میں ٹھیکیدار ندی کے مقام پر پیش آیا ہے جہاں پک اپ گاڑی بارودی سرنگ سے ٹکرا گئی ۔جس کے نتیجے میں زور دار دھما کہ ہوا۔جس کے نتیجے میں پک اپ گاڑی مکمل تباہ ہوگئی۔ تا ہم ڈرائیور حمیداللہ ولد صدیق معجزانہ طور پر محفوظ ر ہیں۔پک اپ گاڑی کوئلہ کانوں کیلیے سامان پہنچا رہی تھی کہ بارودی سرنگ سے ٹکرا گئی۔نامعلوم دہشت گردوں کے خلاف مقدمہ درج کرکے مزید کارروائی شروع کردی گئی ہے۔بلو چستان کے علا قے زہری میں بھائی نے کلہاڑی کے وار کرکے بھا ئی کو قتل کردیا،ملزم فرار ہوگیا ۔ اطلاعات کے مطابق گزشتہ روز زہری کے نورگامہ کے علاقے ہچی خیر میں ایک شخص نے اپنے بیٹوں کے ساتھ مل کر کلہاڑی کے وارکر کے اپنے بھائی کو قتل کردیا ہے ۔ملزمان فرار ہو گئے ۔نعش اسپتال منتقل کردی گئی ۔جس کی شناخت جان محمد پندرانی کے نام سے ہوئی ہے ۔ڈاکٹروں نے ضروری کارروائی کے بعد میت لواحقین کے حوالے کردی ۔متعلقہ تھانہ نے ملزمان کی گرفتاری کے لیے کارروائی شروع کردی ہے۔بلو چستان کے علا قے سوراب میں پک اپ گاڑی کی ٹکر سے بچہ جاں بحق ہو گیا ہے ۔تفصیلات کے مطابق گزشتہ روزکوئٹہ ٹو کراچی قومی شاہراہ پر سوراب مل مدرسہ کے مقام پر پک اپ گاڑی کی ٹکر سے طالب عالم ناصر ولد خیر اللہ موقع پر جاں بحق ہو گیا ہے ۔نعش اسپتال منتقل کردی گئی جہاں ضابطے کی کا رروائی کے بعد میت ورثا کے حوالے کری گئی ۔متعلقہ تھانہ مزید کا رروائی کررہی ہے۔
