ورلڈ چیمپئن شپ آف لیجنڈز میں پاکستان کو پہلی شکست

کراچی (اسپورٹس رپورٹر) ورلڈ چیمپئن شپ آف لیجنڈز میں پاکستان کو پہلی شکست کا سامنا کرنا پڑا۔ نارتھمپٹن میں کھیلے گئے میچ میں جنوبی افریقا چیمپئنز نے پاکستان چیمپئنز کو 9 وکٹ سے شکست دے دی۔ پاکستان چیمپئنز نے جنوبی افریقاکی دعوت پر پہلے بیٹنگ کرتے ہوئے 4 وکٹوں کے نقصان پر 210 رنز بنائے۔ شرجیل خان 72 اور شعیب ملک نے 51 رنز کی شانداراننگز کھیلی۔ اس کے علاوہ صہیب مقصود نے 24، عبدالرزاق نے 25 رنز اسکور کیے۔ جواب میں جنوبی افریقا چیمپئنز نے پاکستان کا 211 رنز کا ہدف 19 ویں اوور میں صرف ایک وکٹ کے نقصان پر حاصل کرلیا۔