لاڑکانہ (نمائندہ جسارت) پولیس مقابلہ، مغوی باحفاظت بازیاب۔بازیاب ہونے والا مغوی نظیر ولد خان محمد شاہانی رہائشی گاؤں موندھر ضلع دادو 21 ڈسمبر 2023 کو دادو سے اغوا ہوا تھا۔ ڈاکوؤں کی جانب سے مغوی کو ایک سے دوسری جگہ شفٹ کرنے کی کوشش کی جا رہی تھی کہ پولیس نے خفیہ اطلاع پر ذکریہ سم والے علاقے میں ڈاکوؤں سے مقابلے کے دوران مذکورہ مغوی کو باحفاظت بازیاب کروالیا ہے۔ ایس ایس پی لاڑکانہ میر روحل خان کھوسو نے مقابلے میں حصہ لینے والی اسپیشل ٹیم مجاہد ون کے اسٹاف اور ایس ایچ او تھانہ آریجا کے لیے انعامات و اعزازات کیاحکامات جاری کر دیے۔ پولیس کی جانب سے فرار ڈاکوؤں کا تعاقب کیا جا رہا ہے۔
