بدین ( محمد علی بلیدی )آل بدین چھٹا آزادی کرکٹ ٹورنامنٹ میں کل 24 ٹیموں نے حصہ لیا فائنل میچ میں الفرینڈ کرکٹ کلب کی ٹیم کامیاب جے آئی یوتھ کی ٹیم کو شکست کا سامنا کرنا پڑا کامیاب ٹیم کو نقد انعامات اور ٹرافیاں دی گئیں۔ جماعت اسلامی یوتھ کی جانب سے آل بدین ڈسٹرکٹ میں چھٹاآزادی کپ 2024 کا انعقاد کیا گیا اس کرکٹ ٹورنامنٹ میں ڈسٹرکٹ بدین کی کل 24 ٹیموں نے حصہ لیا۔ ٹیموں کو 3,3 کے گروپوں میں رکھا گیا آخری روز تعمیر ملت پبلک اسکول گراؤنڈ میں فائنل سے پہلے 38 میچز کھیلے گئے۔ 24 گروپ میچز 8 پری کوارٹر فائنل 4 کوارٹر فائنل 2 سیمی فائنلز۔اس ٹورناٹورنامنٹ میں جیلانی بادشاہ۔ آل فرینڈز۔ جے آئی یوتھ بلو۔ انصاف سی سی۔ سیمی فائنل میں پہنچیں۔ اختتام پربہترین فائنل آل۔فرینڈز اور جے آئی یوتھ بلو کے درمیان کھیلا گیا۔ آل فرینڈز کے کپتان ساجد رستمانی نے ٹاس جیت کر فیلڈنگ کا فیصلہ کیا۔ جے آئی یوتھ نے پہلے بیٹنگ کرتے ہوئے 10 اوورز میں 132 رنز کا ہدف دیا ۔ ڈاکٹر علی اصغر کی کپتانی میں جے آئی یوتھ کی ٹیم نے فیلڈ سجائی۔آل فرینڈز کی ٹیم اننگز کی شروعات میں لڑکھڑائی لیکن پھر راہب اور عنایت نے عمدہ کھیل کا مظاہرہ کیا اور اپنی ٹیم کو جیت کے قریب لے گئے۔آخری اوور میں 7 رنز درکار تھے تو نعمان نے چھکا اور پھر چوکا لگا کر اپنی ٹیم کو جیت دلائی ٹورنامنٹ کے ہیرو سفیان اشرف جبکہ مین آف دی فائنل عنایت قرار پائے۔
