سکھر (نمائندہ جسارت)نو تعینات ڈویژنل ڈائریکٹر انفارمیشن سکھر فدا حسین بالادی نے تقرری کے بعد پہلی بار سکھر پریس کلب کا دورہ کیا، انفارمیشن آفیسرز کامران پھلپھوٹو ، رضا بھٹی انکے ہمراہ تھے، پریس کلب پہنچنے پر سکھر پریس کلب کے صدر آصف ظہیرخان لودھی، نائب صدر سحرش کھوکھر ، ممبر ایف ای سی جاوید جتوئی، یونین آف جرنلسٹس کے نائب صدر خالد بھانبھن ، انس گھانگرو،جلال بھیو سمیت دیگر عہدیداران و ممبران نے ان کا خیرمقدم کیا،ناظم اطلاعات سکھر سے ممبران و عہدیداران کا تعارف کرایا گیا، بعد ازاں انہوں نے سکھر پریس کلب کے مختلف شعبوں ، کیمرہ مین اینڈ فوٹو جرنلسٹس ایسوسی ایشن، سکھر یونین آف جرنلسٹس ، کانفرنس ہال، آڈیٹوریم ، جم روم ، سمیت مختلف حصوں کا دورہ کیا، اور پریس کلب کی خوبصورتی کی تعریف کی، پریس کلب کے عہدیداران نے انہیں پریس کلب کی مؤثرو فعال صحافتی سرگرمیوں کی بابت آگاہ کیا۔اس موقع پر ڈائریکٹر اطلاعات کیساتھ صحافیوں کے مسائل ، بالخصوص سرکاری تقریبات کی مؤثر تشہیرکیلئے صحافیوںکیلئے شرکت میںآسانی فراہم کی جانے، سرکاری خبروں کی بروقت ترسیل، حکومت سندھ کی جانب سے تعمیر و ترقی کے امور کی بابت صحافیوںکو اپ ڈیٹ کیاجانے، خبروں کے معیار اور صحافیو ںکو پیشہ وارانہ صحافتی امور میں ممکنہ سہولیات کی فراہمی سمیت دیگر امور پر تبادلہ خیالات کیا گیا، ڈائریکٹر اطلاعات سکھر فدا حسین بالادی نے اظہار خیالات کرتے ہوئے میڈیا کیساتھ ہر ممکنہ تعاون کی یقین دھانی کرائی، پریس کلب کے صدر آصف ظہیرخان لودھی نے ڈائریکٹر اطلاعات سکھر کی پریس کلب آمد کا شکریہ ادا کیا اور انہیںسندھی اجرک کا تحفہ پہنایا۔اس موقع پر سینئر صحافی ریاض راجپوت، اسحاق کھوسو،کاشف پھلپھوٹو، یار محمد سومرو، اعجا ز چھجن ،بابر کھوکھر سمیت دیگر صحافی موجود تھے۔
