چیلٹنہام (اسپورٹس ڈیسک )گلوسٹرشائر اور گلیمور گن کے درمیان کھیلا جانے والا کائونٹی کرکٹ کی تاریخ کا دلچسپ ترین میچ برابر ہو گیا۔گلیمورگن کی ٹیم تاریخ کے سب سے بڑے ہدف کا تعاقب کرتے ہوئے آخری گیند پر ہمت ہار گئی۔گلوسٹر شائر نے گلیمورگن کو جیت کے لیے 593 رنز کا ہدف دیا تھا تاہم گلیمورگن کی ٹیم آخری گیند پر 592 رنز بنا کر آئوٹ ہو گئی، گلیمورگن کی جانب سے کپتان سیم نارتھیسٹ نے 187رنز اسکور کیے جبکہ مارنس لبوشین نے 119رنز کی اننگ کھیلی۔گلوسٹرشائر نے پہلی اننگ میں 179اور دوسری اننگ میں 5 وکٹوں کے نقصان پر 610 رنز بنائے تھے، دوسری جانب گلیمورگن نے پہلی اننگ میں 197اور دوسری اننگ میں 592 رنز بنائے۔
