خرطوم (انٹرنیشنل ڈیسک) سوڈان کے شمالی صوبے دارفور کے مرکزی شہر فشیر میں مویشی منڈی پر بمباری سے 12 شہری ہلاک اور 20 زخمی ہو گئے۔ بعض مکانات اور مساجد پر کئے گئے حملوں میں جانی نقصان ہوا ۔ شہر کے واحد طبی مرکز اور لنگر خانے کو نقصان پہنچنے کی وجہ سے قحط زدہ بچوں میں اموات کا خدشہ بڑھ گیا ہے۔ واضح رہے کہ سوڈان میں فوج اور نیم سریع الحرکت دستوں کی خانہ جنگی کے باعث ملک تباہی کے دہانے پر پہنچ گیا ہے۔ ملک کے جنوبی صوبے سینار کے مرکزی شہری سینجا میں جھڑپوں کی وجہ سے اندرونِ ملک مہاجرین کی تعداد ایک لاکھ 36 ہزار 130 تک پہنچ گئی ہے۔
