کراچی: متحدہ قومی موومنٹ ( ایم کیوایم ) کے رہنماء ڈاکٹرفاروق ستارکا کہنا ہے کہ ایم کیو ایم کی پریس کانفرنس پی پی کو لگی بھی اور چھبی بھی ہے، اگر پیپلزپارٹی گورنر کا استعفی مانگ سکتی ہے تو ہم بھی صدر کا استعفی مانگ سکتے ہیں۔
شرجیل میمن اور ناصر شاہ کی پریس کانفرنس پر ردعمل دیتے ہوئے فاروق ستار نے کہاکہ پیپلز پارٹی والے میچور لوگ ہوتے تو اصل ایشو پر عدالتی فیصلے پر بات کرتے، پی پی رہنماؤں نے اصل مدعے سے ہٹ کر بات کی، گورنر کا پوچھنا ہے تو مفت آئی ٹی تعلیم حاصل کرنیوالے 50 ہزار بچوں سے پوچھیں۔
انہوں نے مزید کہاکہ کامران ٹیسوری کے بارے میں عوام سے پوچھیں جن کیلئے انھوں نے بلاامتیاز خدمت کی، گورنر کے کاموں کی تو پی پی کے کئی وزرا اور رہنما بھی تعریف کرتے ہیں۔
