انڈسٹری آل گلوبل یونین کے زیر اہتمام 24 اور 25 جون کو ملتان کے مقامی ہوٹل میں گلوبل فریم ایگریمنٹ کے حوالے سے ورکشاپ کا انعقاد کیا گیا جس میں انڈسٹری اور گلوبل یونین سے ملحق ٹیکسٹائل سیکٹر اور کیمیکل سیکٹر کے نمائندوں نے شرکت کی۔ کراچی سے پاکستان فیڈریشن آف کیمیکل انرجی مائنز اینڈ جنرل ورکر یونین کے ڈپٹی جنرل سیکرٹری غلام مرتضیٰ تنولی، وارث جدون، میڈم سراج بانو اور عذرا ناز نے شرکت کی۔ ورکشاپ میں انڈسٹری اور گلوبل یونین ریجن آفس اور بنگلہ دیش سے بذریعہ زوم ریجن آفیسرز نے گلوبل فریم ایگریمنٹ کے حوالے سے تفصیلی معلومات فراہم کی اور گلوبل فریم ایگریمنٹ کی خلاف ورزی کی صورت میں کس طریقے سے کمپلین کر سکتے ہیں آگاہ کیا۔ ورکشاپ کے دوران انڈسٹری آل گلوبل یونین پاکستان سے ملحقہ تنظیموں نے گلوبل فریم ایگریمنٹ پر عمل درآمد کے لیے کن مشکلات اور چیلنجز کا سامنا ہے اس پر سیر حاصل گفتگو کی اور اپنا اپنا گروپ ورک بھی پیش کیا جس کے بعد اگلے دن تمام تنظیموں کے نمائندگان نے گلوبل فریم ایگریمنٹ کو استعمال کرتے ہوئے اپنے اپنے فیکٹری اور سیکٹرز میں کس طریقے سے اس کا اطلاق کروائیں گے اس پر ایکشن پلان پیش کیا۔
