کراچی(اسپورٹس رپورٹر) پاکستان کے حمزہ خان نے 31 ویں ایشین جونیئراسکواش چیمپئن شپ کا بوائز انڈر 19 ٹائٹل جیت لیا جبکہ سہیل عدنان بوائز انڈر 13 چمپئن بن گئے۔ ایونٹ کے دوران پاکستان نے 2 گولڈ، 2 سلور اور 4 برانز میڈل جیت لیے، ملائشیا نے 3، بھارت نے 2 اورہانگ کانگ نے ایک ایونٹ اپنے نام کرلیا۔موصولہ اطلاعات کے مطابق ہفتہ کواسلام آباد کے مصحف ضیا شہید انٹرنیشنل اسکواش کمپلیکس پر منعقدہ چیمپئین شپ کے فائنلز کھیلے گئے، گزشتہ برس عالمی جونیئر چیمپئین بننے کا اعزازپانے والے 18 سالہ حمزہ خان نے سیڈ 3 ملائیشا کے یرتھ ڈینئل کو 0-3 سے مات دے کربوائزانڈر19 ایونٹ جیت لیا۔بوائزانڈر17 کیٹاپ سیڈ عبداللہ نواز سخت مقابلے کے بعد ملائشیا کے نکہلی ویسوارسے3-2 سے شکست کھا گئے۔ بوائزانڈر 15 میں بھارت کے شیوان اگروال نے ملائشیا ہی کے محمد رزاق کو1-3 سے زیرکرلیا۔
