دھابیجی (نمائندہ جسارت) یوسی دھابیجی کے علاقے نئی آبادی غریب آباد مارکیٹ، راجپوت محلہ، پہاڑی اسکول بلال نگر کے مکین گزشتہ کئی سال سے پینے کے پانی جیسی بنیادی سہولت سے محروم اور گدھا گاڑیوں اور ٹینکروں سے مہنگے داموں پانی خریدنے پر مجبور ہیں۔ شہریوں کی جانب سے پانی کی عدم فراہمی کیخلاف کئی بار احتجاج کیا جاتا رہا ہے جس پر ہر مرتبہ پبلک ہیلتھ انتظامیہ کی جانب سے یقین دہانیوں کے باوجود تاحال شہریوں کا یہ مسئلہ حل نہیں کیا جا سکا اور مذکورہ علاقوں کے رہائشی اب تک پانی کی فراہمی سے محروم ہیں۔
