امریکا کے سیریل ریکارڈ ساز نے پانی کی بندوق سے دس خالی سوڈا کین گِرا کر گینیز ورلڈ ریکارڈ اپنے نام کر لیا۔
سیریل ریکارڈ ساز ڈیوڈ رش نے ریکارڈ نام کرنے کی ایک نئی کوشش کی اور کم وقت میں پانی کی پستول سے دس سوڈا کین گِرا کر ریکارڈ قائم کر دیا۔
امریکی ریاست آئیڈاہو سے تعلق رکھنے والے ڈیوڈ رش کے نام بیک وقت ریکارڈ کی تعداد 178 تک پہنچ گئی ہے جبکہ ان کا ہدف بیک وقت 181 گینیز ورلڈ ریکارڈز اپنے نام کرنا ہے۔
سیریل ریکارڈ ساز ڈیوڈ رش نے بتایا کہ دس ویں باری میں انہوں نے 5.93 سیکنڈ کا ریکارڈ توڑ دیا تھا لیکن انہوں نے ایک اور کوشش کی اور 4.92 سیکنڈ کا نیا ریکارڈ بنا ڈالا۔
ڈیوڈ رش کا کہنا تھا کہ میں سب سے زیادہ ریکارڈ توڑ کر سب سے زیادہ ریکارڈ اپنے نام کر سکتا ہوں ،گینیز ورلڈ ریکارڈز کے ضوابط کے مطابق مجھے ایک بہت چھوٹی پستول استعمال کرنی تھی، جس سے سوڈا کین گِرانے کے لیے درکار طاقت حاصل کرنا مشکل تھا۔
