کراچی (اسپورٹس رپورٹر)کراچی ڈوج بال ایسوسی ایشن کا انتخابی مرحلہ مکمل ہو گیا ،سید خضر مہدی صدر ،بابر علی انیس سیکریٹری اور عابد نعیم خازن منتخب ہو گئے ۔سندھ ڈوج بال ایسوسی ایشن کے زیر نگرانی منعقدہ انتخابی عمل کی نگرانی سندھ ڈوج بال ایسوسی ایشن کے صدر امتیاز احمد شیخ نے کی ۔الفا کالج کے ڈائرکٹر اسپورٹس ماجد رسول اور نجمہ غیاث بطور آبزرورموجود تھے جبکہ اظہار احمد نے بھی خصوصی شرکت کی۔انتخابی عمل میں کراچی کے تمام ڈسٹرکٹس کے نمائندے موجود تھے ۔ابراہیم عباس اچھا سینئر نائب صدر جبکہ نصرت افضل اور عشرت عامر نائب صدر منتخب ہوئیں۔ جوائنٹ سیکریٹری (میل)شاہ زیب نذر اور طلعت ادریس کا انتخاب جوائنٹ سیکریٹری (فیمیل ) کیا گیا ۔ایگزیکٹو ممبران میں وہاج الدین ،محمد عثمان ،انیلا خان،ماریہ یونس ،حارث احمد ،سرفراز رحمان اور عفان احمد شامل ہیں جبکہ صالح عباسی میڈیا کو آرڈی نیٹر ہونگے ۔اس موقع پر امتیاز شیخ کا کہنا تھا کہ مجھے قوی امید ہے کہ کراچی کی نو منتخب باڈی گراس روٹ لیول پر ڈوج بال کے فروغ کے لئے کام کرے گی ۔اسکولز اور کالجز میں اس کھیل کو فروغ دینے کی ضرورت ہے کیونکہ یہ ایک تیز رفتار کھیل ہے۔
