کراچی کے علاقے لیاقت آباد دس نمبر میں بھورے خان والی گلی میں دو منزلہ عمارت گرگئی۔
کراچی کے علاقے لیاقت آباد دس نمبر کے قریب کباڑا مارکیٹ بھورے خان سینٹر کے برابر والی عمارت گرگئی ہے۔
اطلاعات کے مطابق خوش قسمتی سے اس واقعے میں کوئی جانی نقصان نہیں ہوا جب کے برابر والی عمارت کو بھی نقصان پہنچا ہے۔
ریسکیو حکام کے مطابق بھورے خان سینٹر پر بننے والی عمارت کے بعد حادثہ پیش آیا ہے۔
ریسکیو حکام کے مطابق لیاقت آباد میں گرنے والی عمارت پرانی تھی جب کہ گراؤنڈ پلس ون مکان تھا، متاثرہ عمارت کی دونوں منزلوں پر گودام قائم تھے اور نیچے ایک دکان قائم تھی تاہم حادثے کے وقت دکان میں کوئی موجود نہیں تھا۔
متاثرہ دکان کے مالک نے کہا کہ حادثے میں جانی نقصان تو نہیں ہوا لیکن ان کا 40 سال پرانا کاروبار تھا جو مکمل تباہ ہو گیا ہے۔
