نئی دہلی:بھارت کے شہر حیدرآباد میں ایک ڈکیت نے برقع پہن کر سونے کی دکان پرڈاکاڈالنے کی کوشش کی جسے ناکام بنادیا گیا۔
بھارتی میڈیا کے مطابق گزشتہ روزبھارتی شہر حیدرآباددکن میں جیولر اور اس کے بیٹے پر 2 ملزمان نے چاقو سے جان لیواحملہ بھی کیاجس میں دونوں باپ بیٹے بری طرح زخمی بھی ہوئے لیکن بہادر باپ بیٹے کی مزاحمت نے برقع پوش مرد اور ہیلمٹ پہنے ملزمان کو خالی ہاتھ لوٹنے پر مجبور کردیا۔
بھارتی ذرائع ابلاغ کے مطابق دونوں ملزمان زبردست مزاحمت کے بعد موٹرسائیکل پر فرار ہوئے۔اس واقعے میں حیران کن بات یہ ہے کہ یہ سارا واقعہ تھانے سے صرف 25 میٹر کے فاصلے پر پیش آیااور دلچسپ بات یہ ہے کہ سی سی ٹی وی فوٹیج کے باوجود کسی قسم کی کوئی گرفتاری عمل میں نہیں آئی۔
