لاہور(نمائندہ جسارت) وزیراعظم شہباز شریف نے عیدالاضحی کے موقع پر صفائی کے بہترین انتظامات اور عوامی خدمت پر وزیراعلیٰ پنجاب مریم نواز کو شاباش دی۔عید الاضحی کے تینوں دن بہترین صفائی پر وزیراعظم نے وزیراعلیٰ پنجاب مریم نواز اور صفائی مہم کی ٹیم کو شاباش دیتے ہوئے کہا کہ شدید ترین گرمی میں عملے نے جس محنت سے کام کیا وہ قابل تعریف ہے،آپ کو سلام پیش کرتا ہوں۔وزیراعظم کا مزید کہنا تھا ڈرون کے استعمال سے لاہور نہر میں گندگی پھینکنے میں 80فیصد کمی قابل ستائش ہے،وزیراعظم شہبازشریف نے شاعرانہ تبصرہ کرتے ہوئے کہا کہ عرق ریزی کے ساتھ عرق گلاب کے استعمال کی روایت جاری رہنی چاہیے۔
