سکھر (نمائندہ جسارت) پولیس مقابلہ، 2 ڈاکو ہلاک، ترجمان پولیس کے مطابق تھانہ تماچانی کی حدود میں پولیس اور ڈاکوؤں میں مقابلے میں 2 ڈاکو ہلاک ہو گئے، ڈاکو واردات کے ارادے سے کھڑے تھے، پولیس معمول کے مطابق گشت کررہی تھی کہ پولیس کو دیکھ کر فرار ہونے کی کوشش کی، پولیس کے روکنے پر ملزمان نے فائرنگ کی، جوابی کارروائی میں 2 ڈاکو ہلاک ہو گئے، ہلاک ڈاکووں کی شناخت گل بہار جتوئی اور مسرور عرف ہیرو جتوئی کے نام سے ہوئی، ہلاک ڈاکو اسنیچنگ، چوری، ڈکیتی، پولیس مقابلوں سمیت متعدد سنگین وارداتوں کے مقدمات میں ملوث تھے۔ علاوہ ازیں 2 مختلف مقابلوں میں 2 ڈاکو زخمی حالت میں گرفتار کر لیے گئے، تھانہ سائٹ ایریا کی حدود گوٹھ میاداد لنک روڈ کے قریب مقابلے میں ڈاکو علی شیر میرانی کو جبکہ تھانہ روہڑی کے حدود کسٹم ناکہ کے قریب میں پولیس اور ڈاکوؤں کے درمیان مقابلے میں ایک ڈاکو شہزاد شیخ کو زخمی حالت میں گرفتار کر کے اسلحہ برآمد کیا گیا، گرفتار ملزمان اسنیچنگ، چوری، ڈکیتی، پولیس مقابلوں سمیت متعدد سنگین وارداتوں کے مقدمات میں مطلوب تھے۔
