خیبرپختونخوا کے نیشنل گیمز میڈلز ونرز میں انعامی رقم کی تقسیم

پشاور(اسپورٹس ڈیسک) صوبائی حکومت کی طرف سے کوئٹہ نیشنل گیمز 2023 میں خیبرپختونخوا کیلئے میڈلز جیتنے والے کھلاڑیوں میں 63 لاکھ روپے کی انعامی رقم تقسیم کی گئی۔ قیوم اسپورتس کمپلیکس پشاور میں منعقد ہ تقریب میں نیشنل گیمز 2023 میں خیبرپختونخوا کے لئے میڈلز جیتنے والے کھلاڑیوں کے لیے اعلان کردہ کیش انعامات کی تقسیم کیلئے تقریب کا انعقاد کیاگیاجس میں گولڈ میڈل جیتنے والے کھلاڑیوں کے لیے 3لاکھ،سلور کے لیے 2 جبکہ براونز میڈلز جیتنے والے کھلاڑی کو ایک لاکھ روپے دیے گئے،صوبے کے لیے 49 میڈلز جیتنے والے کھلاڑیوں میں مجموعی طور پر 63 لاکھ روپے تقسیم کیے گئے جس میں چار گولڈ، چھ سلور اور 39 براؤنڈ میڈلز شامل ہیں اس موقع پر مہمان خصوصی ایڈیشنل ڈی جی اسپورٹس رشیدہ غزنوی نے کھلاڑیوں میں چیک تقسیم کیے ان کے ہمراہ ڈائریکٹر اسپورٹس عزیز اللہ،بیڈمین ایسوسی کے سیکرٹری امجد خان،اسسٹنٹ ڈائریکٹر اسپورٹس امجد اقبال،کوچ بشرء سمیت دیگر شخصیات موجود تھیں ، نیشنل گیمز 2023 جو کے بلوچستان کے دارالحکومت کوئٹہ میں منعقد ہوئے تھے میں خیبرپختونخوا کے لیے بیڈمنٹن،جوڈو اور سیلنگ میں چار گولڈ میڈلز جبکہ جوڈو،کراٹے،ریسلنگ،سیلنگ میں 6 سلور جیتے گئے۔