اسلام آباد (اسپورٹس ڈیسک) پاکستانی اتھلیٹ محمد یاسر دوسری ایشین تھرونگ چمپئن شپ میں شرکت کے لئے کوریا پہنچ گیا ہے۔ ان کے ہمراہ کوچنگ کے فرائض سید فیاض حسین بخاری انجام دیں گے۔ ایشین تھرونگ چمپئن شپ 14 جون سے کوریا میں شروع ہو گی۔ چمپئن شپ میں ایشیائی ممالک کے کھلاڑی حصہ لیں گے۔ چمپئن شپ 15 جون تک جاری رہے گی۔ اتھلیٹکس فیڈریشن آف پاکستان کے صدر برگیڈیئر (ر) وجاہت حسین (ستارہ امتیاز ملٹری) نے امید ظاہر ہے کہ محمد یاسر چیمپئن شپ میں شاندار کارکردگی کا مظاہرہ کریں گے۔
