لاہور: پاکستان ریلویز نے عیدالضحی پر 3 اسپیشل ٹرینیں چلانے کا فیصلہ کر لیا۔
تفصیلات کے مطابق عیدالاضحی پر کراچی سے 2 جبکہ ایک عید اسپیشل ٹرین کوئٹہ سے چلائی جائے گی، پہلی عید اسپیشل ٹرین 14 جون کو ساڑھے 6 بجے کراچی سے پشاور کے لیے روانہ ہو گی اور ٹرین میں 1164 مسافر سفر کریں گے۔
دوسری عید اسپیشل ٹرین 15 جون کو رات ساڑھے 9 بجے کراچی سے لاہور کے لیے روانہ ہو گی، اس ٹرین میں ایک ہزار 64 مسافر سفر کریں گے۔
پہلی اسپیشل ٹرین میں تمام کوچز اکانومی کلاس ہوں گی اور دوسری اسپیشل ٹرین میں 2 بزنس، 2 اسٹینڈرڈ کلاس کے ساتھ تمام اکانومی کلاس کوچز لگائی جائیں گی۔
