اسلام آباد:ترجمان تحریک انصاف ( پی ٹی آئی) رؤف حسن نے کہاہے کہ بانی پی ٹی آئی جب سے جیل میں ہیں ٹوئٹر ہینڈل استعمال نہیں کر رہے بانی پی ٹی آئی اب بھی اس چیز پر یقین رکھتے ہیں ملک کیلئے فوج ان سے زیادہ اہم ہے۔
ترجمان پی ٹی آئی نے کہاکہ ڈیجیٹل میڈیا پر کسی ایک شخص کا کنٹرول نہیں ہوتا،سوشل میڈیا ٹیم میں جو لوگ کر رہے ہیں وہ ہمارے ملازمین نہیں ،بانی پی ٹی آئی نے کسی مرحلے میں تو ٹوئٹر اکاؤنٹ سے متعلق فیصلہ کیا ہو گا کسی نے تو چلانا تھاسسٹم نافذ کریں گے تا کہ آئندہ مناسب کلیئرنس سے ٹوئٹر ہینڈل آپریٹ ہوپی ٹی آئی سوشل میڈیا ٹیم پاکستان کے باہر سے آپریٹ ہوتی ہے۔
رؤف حسن نے کہا کہ بانی پی ٹی آئی اپنا ٹوئٹر اکائونٹ آپریٹ نہیں کر رہے،بانی پی ٹی آئی جیل میں وہ کیسے ٹویٹر پر ویڈیو ا پ لوڈ کر سکتے ہیں،بانی پی ٹی آئی کو شیخ مجیب کی ویڈیو سے متعلق علم نہیں تھا،بانی پی ٹی آئی ٹوئٹر اکائونٹ کو خود آپریٹ نہیں کرتے،ارکان اسمبلی نے اگر ویڈیو پوری ٹویٹ کی تو اپنی ذاتی حیثیت میں کی۔
