نئی دہلی : یوکرین میں روسی فوج کے لیے لڑنے کے لیے ہندوستانی شہریوں کی “اسمگلنگ” کرنے کے الزام میں 4 افراد کو گرفتار کرلیا گیا ۔
ہندوستانی حکام نے کہا کہ روس کے حملے کے دو سال بعد یوکرین میں اس کے کئی ہزار فوجی مارے جا چکے ہیں اور ماسکو مزید فوجیوں کی عالمی تلاش میں ہے۔
اس تنازعہ میں کم از کم دو ہندوستانی فوجی مارے گئے ہیں، کئی بھرتی ہونے والوں نے اے ایف پی کو بتایا کہ انہیں جھوٹے بہانے کے تحت فرنٹ لائنز پر بھیج دیا گیا تھا۔
سنٹرل بیورو آف انویسٹی گیشن (سی بی آئی) کی طرف سے شائع ہونے والے ایک بیان میں کہا گیا ہے کہ 4 افراد کو گرفتار کیا گیا ہے، جن میں ایک شخص شامل ہے جس نے ہندوستانی فوجیوں کی بھرتی میں سہولت فراہم کرنے والے نیٹ ورک کے لیے بطور مترجم روس میں کام کیا تھا۔
بیان میں مزید کہا گیا کہ “دیگر ملزمان کے خلاف تحقیقات جاری ہیں جو انسانی اسمگلروں کے اس بین الاقوامی نیٹ ورک کا حصہ ہیں۔”
یہ گرفتاریاں دو ماہ بعد ہوئی ہیں جب تفتیش کاروں نے ہندوستان میں 13 مقامات پر چھاپے مارے اور کئی لوگوں کو پوچھ گچھ کے لیے حراست میں لیا تھا۔ سی بی آئی نے کہا کہ اسے کم از کم 35 ایسے واقعات ملے ہیں کہ ہندوستانیوں کو روس بھیجا گیا ہے۔
ہندوستان کی وزارت خارجہ نے پہلے کہا تھا کہ وہ روسی فوج میں تقریباً 20 ہندوستانی شہریوں کی رہائی کو محفوظ بنانے کے لیے کام کر رہی ہے۔
کئی ہندوستانی بھرتی ہونے والوں نے فروری میں اے ایف پی کو بتایا تھا کہ فرنٹ لائن پر بھیجے جانے سے پہلے انہیں زیادہ تنخواہوں اور روسی پاسپورٹ کے وعدوں کے ذریعے شامل ہونے کا لالچ دیا گیا تھا۔
