اسلام آباد: موبائل فون بنانے والی چینی کمپنی نے پاکستان میں بڑی سرمایہ کاری کرنے کا اعلان کردیا۔
پاکستان ٹیلی کمیونیکیشن اتھارٹی (پی ٹی اے) کے مطابق کمپنی نے دعویٰ کیا ہے کہ وہ پاکستان میں سرمایہ کاری کرتے ہوئے مارکیٹ میں زیادہ اور دلچسپ فیچرز کے حامل موبائل فونز کو کم قیمت میں متعارف کروائے گی۔
چینی موبائل فون ساز کمپنی اس سے قبل بھی 3 بڑے برانڈز مارکیٹ میں متعارف کروا چکی ہے۔ پی ٹی اے کی جانب سے تصدیق کی گئی ہے کہ چینی کمپنی پاکستان میں سرمایہ کاری کے سلسلے میں کارروائی مکمل کر چکی ہے۔
