اسلام آباد: وزیر داخلہ محسن نقوی نے پاکستان میں چینی شہریوں کے تحفظ کے لیے فول پروف اقدامات کی ہدایت جاری کردی ۔
چینی شہریوں کے لیے حفاظتی انتظامات کے حوالے سے اسلام آباد میں ایک اجلاس کی صدارت کرتے ہوئے انہوں نے کہا کہ غیر ملکیوں بالخصوص چینی شہریوں کا تحفظ اولین ترجیح ہے۔
انہوں نے غیر ملکیوں بالخصوص چینی شہریوں کی حفاظت کے لیے ایس او پیز پر عملدرآمد کو یقینی بنانے کی ہدایت کی۔ محسن نقوی نے کہا کہ دشمن پاکستان کی ترقی اور خوشحالی نہیں چاہتا۔ انہوں نے کہا کہ ہم دہشت گردوں کے مذموم عزائم کو کبھی کامیاب نہیں ہونے دیں گے۔
اجلاس کو غیر ملکیوں بالخصوص چینی شہریوں کے تحفظ کے لیے کیے گئے انتظامات کے بارے میں بتایا گیا۔ یہ ہدایات خیبر پختونخواہ (کے پی) کے شانگلہ ضلع میں ایک دہشت گردانہ حملے میں کم از کم پانچ چینی باشندوں کی ہلاکت کے بعد آئے ہیں۔
پانچ چینی انجینئرز اور ان کا پاکستانی ڈرائیور اسلام آباد اور خیبر پختونخوا کے داسو میں ایک ہائیڈرو الیکٹرک ڈیم کی تعمیراتی سائٹ کے درمیان سفر کرتے ہوئے، خودکش بم دھماکے میں ہلاک ہو گئے۔
واضح رہے کہ چینی شہریوں پر بشام خودکش حملے کی منصوبہ بندی افغانستان میں کی گئی تھی ملاکنڈ کے ڈسٹرکٹ انسپکٹر جنرل (ڈی آئی جی) نے بتایا کہ ایک خودکش حملہ آور نے دھماکہ خیز مواد سے بھری گاڑی غیر ملکی شہریوں کے قافلے سے ٹکرا دی جو اسلام آباد سے داسو، شانگلہ میں اپنے کیمپ کی طرف جا رہا تھا۔
