راولپنڈی: ڈیرہ اسماعیل خان میں سکیورٹی فورسز کے آپریشن میں 8 دہشتگرد مارے گئے۔
انٹر سروسز پبلک ریلیشنز (آئی ایس پی آر) کی جانب سے جاری بیان میں بتایا گیا کہ سکیورٹی فورسز نے ڈیرہ اسماعیل خان میں دہشتگردوں کی موجودگی کی اطلاع پر انٹیلی جنس بیسڈ آپریشن کیا جس میں 8 دہشتگرد ہلاک ہوگئے۔
آئی ایس پی آر کا بتانا ہے کہ مارے گئے دہشتگرد متعدد کارروائیوں میں ملوث اور معصوم شہریوں کی ٹارگٹ کلنگ میں سرگرم تھے۔
انٹر سروسز پبلک ریلیشنز کے مطابق دہشتگردوں کے قبضے سے اسلحہ، گولہ بارود اور دھماکا خیز مواد برآمد کیا گیا ہے
آئی ایس پی آر نے کہا کہ ملک سے دہشتگردی کی لعنت ختم کرنے کے لیے پرعزم ہیں۔
