پاکستان کے خلاف ٹی ٹوئنٹی سیریز کیلئے نیوزی لینڈ نے اسکواڈ کا اعلان کردیا ہے۔
نیوزی لینڈ کے ٹاپ کھلاڑی آئی پی ایل اور کاؤنٹی کی وجہ سے دستیاب نہیں ہے جبکہ مائیکل بریس ویل پہلی مرتبہ کیوی ٹیم کی قیادت کریں گے۔
دورۂ پاکستان کے لیے کپتان مائیکل بریسویل، فن ایلن، جیکب ڈفی، مارک چیپمین، بین لسٹر ، جوش کلارکسن، جمی نیشم، ڈین فاکس کرافٹ، اش سودھی، کول مک کونچی اور ٹم سائفرٹ اسکواڈ میں شامل ہیں۔
کین ولیمسن ، ڈیرل مچل، ٹرینٹ بولٹ، مچل سینٹنر، ڈیون کانوے، گلین فلپس ،لوکی فرگوسن، رچن روندرا، اور میٹ ہینری آئی پی ایل میں مصروف ہیں جبکہ ول ینگ کاؤنٹی میں مصروف ہیں۔
نیوزی لینڈ کرکٹ کے مطابق ٹام لیتھم گھریلوں مصروفیات کی وجہ سے دستیاب نہیں ہیں اسی طرح ٹم ساؤتھی کو ورک لوڈ مینجمنٹ کے تحت دورہ پاکستان کے لیے آرام دیا گیا ہے۔
واضح رہے کہ پاکستان اور نیوزی لینڈ کے درمیان پانچ ٹی ٹوئنٹی میچز کی سیریز 18 اپریل سے شروع ہوگی۔
