اسلام آباد: چیف جسٹس آف پاکستان جسٹس قاضی فائز عیسیٰ کی صدارت میں سپریم کورٹ کا فل کورٹ اجلاس آج جمعرات کے روز پھر ہوگا۔
نجی ٹی وی کی رپورٹ کے مطابق اسلام آباد ہائی کورٹ کے ججز کے لکھے گئے خط پر عدالت عظمیٰ کا فل کورٹ اجلاس چیف جسٹس آف پاکستان کی زیر صدارت میں بدھ کے روز 2 گھنٹے تک جاری رہا، جس کے بعد آج جمعرات کو یہ اجلاس پھر ہوگا۔
اسلام آباد ہائیکورٹ کے 6 ججز کی جانب سپریم جوڈیشل کونسل کو لکھے گئے خط پر چیف جسٹس کی سربراہی میں سپریم کورٹ کا فل کورٹ اجلاس 2 گھنٹے سے ججز کمیٹی روم میں ہو، جس میں سپریم کورٹ کے تمام ججز شریک ہوئے۔ اجلاس میں اسلام آباد ہائیکورٹ کے ججز کے خط اور اس کے بعد پیدا ہونے والی صورت حال کی آئینی و قانونی حیثیت پر غور کیا گیا جبکہ ججز نے اپنی رائے کا اظہار کیا۔
نجی ٹی وی کی رپورٹ میں ذرائع کے حوالے سے بتایا گیا ہے کہ سپریم کورٹ ججز کا فل کورٹ اجلاس آج پھر ہوگا۔
